| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 23.112 | Dem. 23.115 (English) | >>Dem. 23.118 |
23.114καὶ τί δεῖ Φίλιππον λέγειν ἤ τινʼ ἄλλον ; ἀλλʼ ὁ πατὴρ αὐτὸς ὁ Κερσοβλέπτου Κότυς , ἡνίκα μὲν στασιάζοι πρός τινας , πρέσβεις πέμπων ἅπαντα ποιεῖν ἕτοιμος ἦν , καὶ τότʼ ᾐσθάνετο ὡς ἀλυσιτελὲς τὸ τῇ πόλει πολεμεῖν · ἐπειδὴ δʼ ὑφʼ αὑτῷ τὴν Θρᾴκην ἔχοι , κατελάμβανε τὰς πόλεις , ἠδίκει , μεθύων ἐπαρῴνει μάλιστα μὲν εἰς αὑτόν , εἶτα καὶ εἰς ἡμᾶς , τὴν χώραν ἐποιεῖθʼ ἑαυτοῦ , τὸ πρᾶγμʼ ἀμήχανον ἦν . τῶν γὰρ ὑπὲρ τοῦ πλεονεκτεῖν ἐπιχειρούντων οἷς οὐ χρὴ οὐ τὰ δυσχερέσταθʼ ἕκαστος εἴωθε λογίζεσθαι , ἀλλʼ ἃ κατορθώσας διαπράξεται .
23.115ἐγὼ δὴ δεῖν ὑμᾶς οἶμαι τοῦτον τὸν τρόπον βεβουλεῦσθαι , ὅπως , ἂν μὲν ἃ χρὴ περὶ ὑμῶν γιγνώσκῃ Κερσοβλέπτης , μηδὲν ὑφʼ ὑμῶν ἀδικήσεται , ἂν δʼ ἀλόγως ἀδικεῖν ἐπιχειρῇ , μὴ μείζων ἔσται τοῦ δίκην δοῦναι . ἀναγνώσομαι δʼ ὑμῖν τὴν ἐπιστολὴν ἥν , ὅτʼ ἀφειστήκει Μιλτοκύθης , Κότυς ἔπεμψεν , καὶ ἣν ὅτε πᾶσαν ἔχων τὴν ἀρχὴν πέμψας Τιμομάχῳ τὰ χωρίʼ ὑμῶν ἐξεῖλεν .τοῦτʼ , ὦ ἄνδρες Ἀθηναῖοι , τὸ παράδειγμʼ ἑορακότες , ἂν ἐμοὶ πείθησθε , κἀκεῖνʼ εἰδότες , ὅτι Φίλιππος , ὅτε μὲν Ἀμφίπολιν ἐπολιόρκει , ἵνʼ ὑμῖν παραδῷ πολιορκεῖν ἔφη , ἐπειδὴ δʼ ἔλαβεν , καὶ Ποτείδαιαν προσαφείλετο , ἐκείνην τὴν πίστιν βουλήσεσθʼ ἔχειν , ἥνπερ φασὶ πρὸς Λακεδαιμονίους ποτʼ εἰπεῖν Φιλοκράτην τὸν Ἐφιάλτου .
Ἐπιστολαί
23.116
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 23.112 | Dem. 23.115 (English) | >>Dem. 23.118 |
